Legenda: Columbae et Dux

BESTIARIA LATINA BLOG - Latin Via Fables - Zoo - Legenda

Scroll down to find: Overview, Study Guide, and Segmented Prose Text

The story of The Doves and The "Duke" is adapted from a fable by Odo of Cheriton.

You can find this poem, Odo 2, along with other stories by Odo, at the aesopica.net website.

Use this Study Guide to organize your learning activities.

Applicatur minantibus solum et non facientibus iustitiam.	Additional grammar commentary to be added... meanwhile, if you have questions, use the Comments? Questions? Suggestions? link at the top or bottom of this page if you have a query. You might also want to look at these Tips on Using Segmented Texts.
Nisus semel rapuit unam Columbam et deuorauit.
Aliae Columbae acceperunt consilium cui conquererentur. Et dixerunt: Duci.
Est autem avis Dux cum magno capite et maior Aquila,
et ideo Columbae conquestae sunt ei de Niso, ut Dux faceret iusticiam, quoniam Nisus sociam suam interfecit.
Audita querela, respondit Dux cum magna ingurgitatione: Cloc!
Quo audito, dixerunt Columbae: Quam bene intonuit!
Certe faciet sibi de Niso unum morsellum.
Iterum venit Nisus, et aliam Columbam rapuit.
Accesserunt Columbae ad Ducem, postulantes ut faceret iustitiam.
Et respondit: Cloc!
Dixerunt Columbae: Ecce quam strenue cominatur; optime faciet iustitiam.
Nisus tertiam Columbam accepit.
Columbae tertio venerunt ad Ducem, ut vindictam acciperet.
Et ipse respondit: Cloc!
Audientes dixerunt: Quid est quod semper dicit Cloc, et nunquam iusticiam facit?
Recedamus a regno suo, et infestemus eum sicut falsum et stultum.
Hinc est quod Columbae et ceterae Aues, quando Ducem vident, eum infestant.
Sic plerique, quando pauperes clamant ut reges et maiores faciant iustitiam de iniuriantibus, dicunt: Faciemus, faciemus, et sic dicunt tantum cloc. Nunquam tamen faciunt.